spammer

Ekki er nú langt síðan að ég var á þessum aldri og hafði ég einstaklega gaman af því að ferðast og skemmta mér með mínum vinum. Kanski er ég svo svakalega púkó að ég og mínir vinir við höfðum gaman af því að fara í leiki (fótbolta, kubb og þessháttar) sötra smá öl og spila á gítar. Aldrei var mikið fyllerí á okkur og vorum við aldrei ofurölvi, heldur bara hópur af ungu fólki að gera sér dagamun í sveitinni. Mikið finn ég til með þeim ungmennum sem kunna að skemmta sér á heilbrigðan hátt að vera meinaður aðgangur að svæðinu vegna einvherja svartra sauða sem skapa leiðindi og vesen.

	Aldurshópurinn 18-23 ára fær ekki aðgang á tjaldstæðum á Akureyri
Ábyrgðarmaður færslu Tilkynna um óviðeigandi tengingu við frétt

Ég á sjálf fjölskyldu í Bucharest og hugsa mikið til þeirra, sérstaklega gömlu hjónanna sem hafa yndi af því að fara út og sóla sig á sumrin. Það er gífurleg fátækt í miklum hluta landsins og það að kaupa allt þetta vatn er ekki eitthvað sem allir geta. Auk þess eru loftræstingar ekki algengar í sveitinni svo það kemur mér alls ekki á óvart að fólk falli mikið í yfirlið og jafnvel látist af völdum hitans.

Ég var sjálf stödd í Bucharest fyrir ári síðan og einn daginn fór hitinn upp í tæpar 40 gráður, ég sló þá persónulegt met í hraðdrykkju og drakk líter af vatni á innan við 5 mínútum. Sá vatnsskamtur dugði skammt því um klukkustund seinna var ég að þorna upp og stökk inná næsta bar og drakk annan líter. Eftir það sá ég að ekki var hægt að vera utan dyra og fór heim.
Við þetta er mér hugsað til allra þeirra sem eru heimilislausir þarna úti...

	30 látnir í hitabylgju í Rúmeníu
Ábyrgðarmaður færslu Tilkynna um óviðeigandi tengingu við frétt